صفحہ اول / Tag Archives: سیکریٹری الیکشن کمیشن

Tag Archives: سیکریٹری الیکشن کمیشن

صدر مملکت کی جانب سے کسی بھی وقت الیکشن کی تاریخ کا اعلان کیے جانے کا امکان

اسلام آباد – صدر مملکت ڈاکٹر عارف علوی کی جانب سے کسی بھی وقت ملک میں انتخابات کے اعلان کا امکان ظاہر کیا جا رہا ہے، تاہم اس صورت میں ملک ایک بار پھر آئینی بحران کا شکار ہو سکتا ہے۔ مقامی میڈیا کی ذرائع کے حوالے سے رپورٹس کے مطابق صدر مملکت ڈاکٹر عارف علوی صدارتی مدت کی تکمیل کے بعد اس وقت عبوری حیثیت سے اپنے عہدے پر ہیں، تاہم وہ کسی بھی وقت ملک میں انتخابات کا اعلان کر سکتے ہیں۔ رپورٹ کے مطابق صدر مملکت کو ان کی قانونی ٹیم، اٹارنی جنرل اور ماہرین قانون یہ بات بتا چکے ہیں کہ الیکشن ایکٹ میں ترمیم کے بعد وہ انتخابات کی تاریخ کا اعلان نہیں کر سکتے۔ واضح رہے کہ گزشتہ ہفتے کے بعد آج پھر پی ٹی آئی کی جانب سے صدر مملکت سے ملک میں فوری انتخابات کی تاریخ کا اعلان کرنے کا مطالبہ کیا گیا ہے۔ اس سلسلے میں سیکرٹری جنرل پی ٹی آئی عمر ایوب خان نے صدر ڈاکٹر عارف علوی کے نام ایک خط لکھا ہے، جس میں کہا گیا ہے کہ دستور کا آرٹیکل 48(5) صدر کی جانب سے قومی اسمبلی کی تحلیل کی صورت میں صدر مملکت کو انتخابات کے انعقاد کے لیے 90 روز کی مدت کے اندر کی کسی تاریخ کے تعین کا پابند بناتا ہے۔ دوسری جانب مسلم لیگ ن کی رہنما اور سابق وفاقی وزیر اطلاعات مریم اورنگزیب نے اپنے بیان میں صدر ڈاکٹر عارف علوی سے عہدے کی مدت پوری ہونے پر ایوان صدر سے پی ٹی آئی سیکرٹریٹ منتقل ہونے کا مطالبہ کرتے ہوئے …

مزید پڑھیں

حلقہ بندیوں کی وجہ سے انتخابات تاخیر کا شکار ہو سکتے ہیں، الیکشن کمیشن

اسلا م آباد – سیکریٹری الیکشن کمیشن عمر حمید نے کہا ہے کہ نئی حلقہ بندیوں کی وجہ سے عام انتخابات تاخیر کا شکار ہو سکتے ہیں۔ ایک نجی ٹی وی سے غیر رسمی گفتگو کرتے ہوئے عمر حمید کا کہنا تھا آئین کے تحت الیکشن کمیشن 90 روز میں انتخابات کرانے کا پابند ہے لیکن مردم شماری کے نوٹیفکیشن کے بعد ہم نئی حلقہ بندیاں کرانے کے بھی پابند ہیں۔ سیکرٹری الیکشن کمیشن کا کہنا تھا کہ نئی حلقہ بندیوں میں 4 ماہ سے زیادہ وقت لگے گا جس کے باعث انتخابات زیادہ سے زیادہ ساڑھے 4 ماہ تاخیر کا شکار ہو سکتے ہیں، انتخابات کے حوالے سے باقی تمام انتظامات مکمل کر رکھے ہیں۔

مزید پڑھیں